Nafli alheims míns
Nafli alheims míns
Fimmtudaginn 10. september opnaði Rakel Steinarsdóttir nýja innsetningu í Studio Stafni að Ingólfstræti 6. Hér er á ferðinni öflugt litaspil og pensilstrokur í anda Kristjáns Davíðssonar, nema efniviður Rakelar eru litrík föt barna hennar.
Sýningin stendur yfir frá 10. til 20. september og er opin frá kl 12-17
Rakel Steinarsdóttir myndlistarmaður er fædd 1965. Hún stundaði nám í Myndlista og handíðaskóla Íslands, École supérieure des arts décoratifs de Strasbourg og Edinburgh College of Art.
Hún byggir gjarnan verk sín á innsetningum í rými þar sem umfjöllunarefnið eru ýmisskonar hversdagslegir hlutir sem eru hluti af ferli eða hringrás sem er skráð eða varðveitt og sett í annað samhengi. Þannig eru verkin oftast tengd tíma, jafnvel minningum.